Ashok Yewale
वाई : इंडियन मेडिकल असोसिएशनच्या ‘आयएमए ‘ वाई शाखेचे अध्यक्ष डॉ. सतीश बाबर तर सचिव म्हणून डॉ. स्वप्निल मोतलिंग यांनी पदभार स्वीकारला. कार्यक्रमास वाईचे नगराध्यक्ष अनिल सावंत प्रमुख पाहुणे म्हणून उपस्थित होते.
यावेळी आपल्या मनोगतात नगराध्यक्ष अनिल सावंत म्हणाले, वाईकरांना चांगल्या उपचार सुविधा देण्यासाठी आयएमएने पुढाकार घ्यावा, पालिका जागा व अन्य सुविधा उपलब्ध करून देईल. डॉक्टर्स सदनच्या निर्मितीसाठीही सहकार्य करणार असल्याचे त्यांनी सांगितले.
कार्यक्रमाचे अध्यक्ष अरुण आदलिंगे यांनी वैद्यकीय व्यवसायिकांचा अनुभव, ज्ञान आणि कौशल्य रुग्णांसाठी वरदान असल्याचे सांगून आयएमए लोकाभिमुख संघटना असल्याचे नमूद केले.
कार्यक्रमात उपाध्यक्ष डॉ. प्रशांत पोळ, खजिनदार डॉ. सिद्धांत कद्दू, कार्यकारिणी सदस्य डॉ. अर्चना लोखंडे, डॉ. समीर घोलप, डॉ. विराज येरामल्ला व डॉ.अभिषेक दबडे यांनी पदग्रहण केले. माजी अध्यक्षा डॉ. मंगला अहिवळे, डॉ. लता पाटील, डॉ.गजेंद्र पाटील, डॉ.उल्का कदम, डॉ.उल्का पोळ यांचा सत्कार करण्यात आला.
डॉ. स्वाती देशपांडे यांनी प्रास्ताविक केले. डॉ. स्वप्निल मोतलिंग यांनी आभार मानले. कार्यक्रमास नगरसेवक सचिन सावंत, डॉक्टर्स, वाईकर उपस्थित होते.
