Ashok Yewale
वाई : सोनगिरवाडी प्रभागातील गोरगरीब व गरजू विद्यार्थ्यांना मोफत शालेय साहित्य वाटपाचा कार्यक्रम विविध मान्यवरांच्या उपस्थितीत नुकताच संपन्न झाला. वाई नगरपरिषदेचे नगरसेवक सचिन सावंत यांच्यावतीने सोनगिरवाडी येथील ज्योतिबा मंदिर परिसरात या कार्यक्रमाचे आयोजन करण्यात आले होते.
कार्यक्रमास वाईनगरीचे नगराध्यक्ष अनिल सावंत, जि. प. सदस्य बापूसाहेब शिंदे, पोलिस उपनिरीक्षक अमोल गवळी, राष्ट्रवादी काँग्रेसचे (शरद पवार गट) शहराध्यक्ष डॉ. सतीश बाबर, नगरसेविका सौ. नूतन मालुसरे, सौ. दिपाली सावंत, सौ. सरिता सावंत, सौ. तेजल सावंत, सौ. दिपाली श्रीकांत सावंत, युवा नेते श्रीकांत सावंत, सागर शिंदे, सागर पवार, प्रकाश जाधव, लक्ष्मण सावंत, अर्जुन मगर, गणेश पवार, किरण भोसले सर, दस्तगीर बागवान, पत्रकार अतुल संकपाळ आदी मान्यवर उपस्थित होते.
यावेळी नगराध्यक्ष अनिल सावंत, पो. उपनिरीक्षक अमोल गवळी, जि.प. सदस्य बापूसाहेब शिंदे यांनी आपल्या मनोगतात नगरसेवक सचिन सावंत यांनी राबवलेला उपक्रम कौतुकास पात्र असल्याचे सांगितले. श्रीकांत सावंत यांनी आपल्या मनोगतात शाळेसंदर्भात विद्यार्थी आणि पालकांना कसलीही अडचण असेल तर ती सोडवण्यासाठी मदत केली जाईल अशी ग्वाही दिली. प्रास्ताविकात बोलताना सचिन सावंत यांनी मोफत शालेय साहित्य वाटपाचा कार्यक्रम दरवर्षी राबवला जाणार असल्याची माहिती दिली.
सौ. तेजल सावंत यांनी स्वागतपर मनोगत व्यक्त केले. अशोक येवले यांनी सूत्रसंचालन केले. कार्यक्रमास प्रभागातील विद्यार्थी, विद्यार्थिनी आणि पालकांनी मोठी गर्दी केली होती. यावेळी मान्यवरांच्या हस्ते विद्यार्थ्यांना शालेय स्कूल बॅग, पाणी बॉटल आणि वह्यांचे वाटप करण्यात आले. नगरसेवक सचिन सावंत यांच्या उपक्रमाचे सर्वत्र कौतुक होत आहे.
आपले विद्यार्थी, आपली जबाबदारी या कर्तव्य भावनेतून नगरसेवक सचिन सावंत यांनी गरजू विद्यार्थ्यांना शालेय साहित्याची मदत केलेली आले. याकामी त्यांनी घेतलेला पुढाकार प्रशंसनीय असल्याचे गौरवोद्गार नगराध्यक्ष अनिल सावंत यांनी काढले
